Foydalanish shartlari

Xizmat

Zitou (zitou.app) — xitoy tilini oʻrganish uchun bepul ilova, tou.gg loyihasi. Asosiy imkoniyatlar — lugʻat, HSK kursi, mashq, ovoz, yozish va doʻstlar — bepul.

Hisob

Hisob passkey yoki tiklash kodi bilan himoyalanadi. Tiklash kodini xavfsiz joyda saqlang: u yoʻqolsa va boshqa qurilmada kirilmagan boʻlsa, hisobni tiklab boʻlmaydi. Hisobingiz orqali qilingan harakatlar uchun oʻzingiz javobgarsiz.

Mazmun va aniqlik

Lugʻat va misollar ochiq manbalardan olingan (manbalar). Oʻzbekcha va ruscha maʼnolar sunʼiy intellekt yordamida tayyorlangan va xato boʻlishi mumkin: imtihon yoki rasmiy ish uchun muhim maʼnoni boshqa manbada ham tekshiring.

Taqiqlanadi

• Boshqa foydalanuvchilarning hisobiga kirishga urinish.
• Xizmatga ortiqcha yuklama beradigan avtomatik soʻrovlar.
• Xizmatdan qonunga zid maqsadlarda foydalanish.

Litsenziyalar

Lugʻat, ovoz, chiziqlar va misollar oʻz litsenziyalari asosida ishlatiladi (manbalar). Ilovaning dizayni va kodi — tou.gg.

Pro va toʻlovlar

Pro — pullik qoʻshimchalar: cheksiz HSK sinov testlari, talaffuz mashqi, AI tushuntirish (yoqilgan boʻlsa), oflayn audio va oʻqituvchilar uchun kengaytirilgan sinflar. Lugʻat, kurs, kunlik mashq va boshqa asosiy imkoniyatlar bepul qoladi.

• Narx toʻlovdan oldin koʻrsatiladi. Obuna Telegram Stars bilan toʻlanadi va Telegram orqali har 30 kunda avtomatik yangilanadi; uni Telegram’da istalgan payt bekor qilasiz — toʻlangan muddat oxirigacha Pro ishlaydi.
• Bepul hafta bir hisobga bir marta beriladi. Taklif uchun: har bir taklif qilgan doʻstingiz 3 kun mashq qilsa, 7 kun Pro, jami 12 tagacha doʻst uchun.
• Toʻlov bilan muammo boʻlsa, botdagi /paysupport buyrugʻi yoki pastdagi aloqa orqali yozing. Xato toʻlov yoki ishlamagan Pro uchun toʻlovni Telegram orqali qaytaramiz.
• HSK sinov testlari rasmiy imtihon emas; ularning natijasi rasmiy HSK natijasini bashorat qilmaydi.

Sinflar

Sinf ochgan oʻqituvchi oʻquvchilar maʼlumotlarini faqat oʻqitish uchun ishlatadi va boshqalarga bermaydi. Oʻquvchi sinfdan istalgan payt chiqa oladi.

Ustozlar

Ustoz profilidagi maʼlumotlar toʻgʻri boʻlishi kerak: oʻzingizniki boʻlmagan sertifikat, soxta sharh yoki boshqa odam nomidan profil taqiqlanadi. Roʻyxat boshidagi joy Telegram Stars bilan toʻlanadi, “Reklama” belgisi bilan koʻrsatiladi va toʻlovdan keyin 7 kun hisoblanadi; toʻlov qaytarilishi Telegram qoidalariga koʻra. Zitou ustozlar va oʻquvchilarni tanishtiradi, lekin darslar, ularning sifati va ular uchun toʻlovga javob bermaydi — bularni tomonlar oʻzaro kelishadi. Zitou qoidalarni buzgan profilni yashirishi mumkin.

Kafolat

Xizmat «boricha» taqdim etiladi: uzilishlar va xatolar boʻlishi mumkin. Imkoniyatlarni oʻzgartirishimiz yoki toʻxtatishimiz mumkin; muhim oʻzgarishlar haqida imkon qadar oldindan xabar beramiz.

Oʻzgarishlar va aloqa

Shartlar oʻzgarsa, shu sahifada yangi sanasi bilan eʼlon qilinadi. Savollar: Telegram @toudotgg yoki polatovmaqsudjon1@gmail.com.